លោក Carlo Ancelotti ថា Chelsea សំណាងដូចដើររើសបានមាស នៅពេលមានកីឡាករមួយនេះ

20-Nov-2025 4:37 PM

លោក Carlo Ancelotti គ្រូបង្វឹករបស់ក្រុមជម្រើសជាតិប្រេស៊ីល បានអះអាងថាក្លិបតោខៀវ Chelsea ពិតជាសំណាង នឹងមានខ្សែភ្នែកមុតបំផុត នៅពេលអាចនាំយកកីឡាករវ័យក្មេងរបស់ប្រេស៊ីលមួយនេះបានជោគជ័យ។




កាលពីដើមរដូវកាល 2025-2026 នេះ ក្លិបតោខៀវ Chelsea បានធ្វើអោយអ្នកគ្រប់គ្នាភ្ញាក់ផ្អើល នៅពេលបាននាំយកខ្សែប្រយុទ្ធវ័យក្មេង Estevao ពីក្លិប Palmeiras នៅក្នុងតម្លៃខ្លួនប្រមាណ 29 លានអឺរ៉ូ។ ចាប់តាំងពីការផ្លាស់មកលេងនៅទឹកដីអង់គ្លេស សមត្ថភាពរបស់ Estevao ក៏កាន់តែមានការកើនឡើងគួរអោយកត់សម្គាល់ ដោយគ្រូបង្វឹកលោក Enzo Maresca តែងតែផ្តល់ឱកាសអោយរូបគេបានបង្ហាញខ្លួនជារឿយៗនៅក្នុងជម្រើស 11 នាក់ដំបូង។




ក្រៅពី Chelsea កីឡាករ Estevao ក៏បានអភិវឌ្ឍខ្លួនជាចំណែកសំខាន់មួយផងដែរនៅក្នុងក្រុមជម្រើសជាតិប្រេស៊ីល ហើយក្រោយពីបានស៊ុតបញ្ចូលទីក្នុងការប្រកួតមិត្តភាពអន្តរជាតិរួចមក លោក Carlo Ancelotti បានធ្វើការកោតសរសើរជាខ្លាំងចំពោះបច្ចេកទេសរបស់ Estevao ដោយទម្លាយអោយដឹងថា គាត់ពិតជាស្ញើចសរសើរចំពោះថ្នាក់ដឹកនាំ Chelsea ដែលអាចរកឃើញគ្រាប់ពេជ្រកំពុងឆ្នៃមួយរូបដូចជា Estevao៕

អត្ថបទដែលទាក់ទង