យក Arnold ទៅមួយមិនឆ្អែតឆ្អន់ ពេលនេះ Kylian Mbappe ចាប់ផ្តើមបញ្ចុះបញ្ចូលអោយកីឡាករម្នាក់នេះចូលរួមជាមួយ Real Madrid

20-Nov-2025 4:35 PM

ខ្សែការពារស្នូលរបស់ក្រុមហង្សក្រហម Liverpool កីឡាករ Ibrahima Konate បានទម្លាយអោយដឹងថា ខ្សែប្រយុទ្ធរបស់ក្រុម Real Madrid បានតេមកខ្លួនរៀងរាល់ពីរម៉ោងម្តង ដើម្បីអោយមកចូលជាមួយក្លិបយក្សអេស្ប៉ាញមួយនេះ។




Konate បានសារភាពចំៗថា កីឡាករ Kylian Mbappe បានធ្វើការតេមករូបគេជារៀងរាល់ពីរម៉ោងម្តង ដើម្បីព្យាយាមបញ្ចុះបញ្ចូលអោយខ្លួនផ្លាស់ទៅលេងនៅ Real Madrid ខណះដែលកុងត្រាចាស់របស់ Konate ជាមួយ Liverpool នៅសល់ពេលត្រឹមមួយឆ្នាំ ហើយសាមីខ្លួនកីឡាករ មានសិទ្ធិក្នុងការចរចាជាមួយក្លិបផ្សេងៗនៅខែមករា។




បើទោះជាស្តាប់ទៅដូចជារឿងលេងសើចក៏ពិតមែន ប៉ុន្តែដំណឺងមួយនេះពិតជាធ្វើអោយអ្នកគាំទ្រ Liverpool នៅមិនសុខក្នុងខ្លួននោះឡើយ ដោយសារតែមិនចង់អោយ Konate ដើរតាមគន្លងចាស់របស់ Trent Alexander-Arnold។ គួររំលឹកផងដែរថា ការចាកចេញពី Liverpool ទៅកាន់ Real Madrid របស់ Arnold បានបង្កើតអោយមានឈុតឆាកអាក្រក់មើលជាខ្លាំង ព្រោះអ្នកគាំទ្រជាច្រើនបានបង្ហាញពីការមិនពេញចិត្តចំពោះទង្វើដែលគេចាត់ទុកថាជាការក្បត់ទំនុកចិត្តមួយ៕

អត្ថបទដែលទាក់ទង