កុំចេះតែឆ្ងល់ថាថីបានលុយពាន់លាន! ក្រៅពីអាជីពបាល់ទាត់ Ronaldo ក៏មានចំណូលចិត្តមួយចំនួនដែលជួយកើបលុយអោយគាត់ដែរ

13-Nov-2025 4:38 PM

គ្រាន់តែលឺឈ្មោះ Cristiano Ronaldo គ្មាននរណាដែលមិនស្គាល់អំពីកំពូលខ្សែប្រយុទ្ធជួរមុខក្នុងប្រវត្តិសាស្ត្របាល់ទាត់ម្នាក់នេះឡើយ ប៉ុន្តែរឿងមួយចំនួនតូចដែលគ្រប់គ្នាប្រហែលជាមិនដឹងនោះគឺ ក្រៅពីអាជីពបាល់ទាត់ដ៏ត្រចះត្រចង់ Cristiano ក៏មានចំណូលចិត្តទៅលើរឿងផ្សេងៗជាច្រើន ដែលជម្រុញអោយគាត់មានឈ្មោះជាសេដ្ឋីពាន់លាន។




ដូចដែលគ្រប់គ្នាបានដឹង ព័ត៌មានកាលពីពេលថ្មីៗនេះបានចុះផ្សាយថា Cristiano Ronaldo បានក្លាយជាសេដ្ឋីពាន់លានដំបូងបំផុតក្នុងប្រវត្តិសាស្ត្រកីឡា បន្ទាប់ពីចំណាយពេលអស់ 22 ឆ្នាំរួចមកហើយនៅលើវិស័យបាល់ទាត់អាជីព ហើយវាក៏មិនមែនជារឿងប្លែកអ្វីដែរសម្រាប់ភាពជោគជ័យមួយនេះ ព្រោះថាបាល់ទាត់មិនមែនជាចំណូលតែមួយមុខគត់នោះឡើយសម្រាប់ម្ចាស់ពាន Ballon d'Or 5 សម័យ នឹងម្ចាស់ពាន UEFA Champions League 5 សម័យរូបនេះ។




នៅក្នុងកិច្ចសម្ភាសន៍ជាមួយមិត្តជិតដិតរបស់គាត់ ពោលគឺលោក Piers Morgan ខ្សែប្រយុទ្ធព័រទុយហ្កាល់រូបនេះបានទម្លាយអោយដឹងថា ក្រៅពីបាល់ទាត់ Ronaldo មានប្រភពចំណូលផ្សេងៗពីមុខជំនួញជាច្រើនដូចជា សម្លៀកបំពាក់ ទឹកអប់ ការទទួលផ្សព្វផ្សាយផលិតផល ក៏ដូចជាជំនួញអចលនទ្រព្យ ដែល Cristiano ផ្ទាល់បានទទួលស្គាល់ថាជារឿងមួយដែលខ្លួនចូលចិត្តជាខ្លាំង។ ក្រៅពីនេះ កីឡាករសញ្ជាតិ 40 ឆ្នាំរូបនេះក៏បានបន្ថែមទៀតផងដែរថា តាមពិតទៅ គាត់ក្លាយជាសេដ្ឋីពាន់លានចាប់តាំងពី 2 ឆ្នាំមុនមកម្ល៉េះ ប៉ុន្តែសារព័ត៌មានទើបតែអាចស្វែងរកប្រភពជាក់ស្តែងអំពីទិន្នន័យប្រាក់របស់ Cristiano Ronaldo៕

អត្ថបទដែលទាក់ទង