គ្រូបង្វឹករបស់ក្រុមហង្សក្រហម Liverpool លោក Arne Slotបានបង្ហាញពីការចាប់អារម្មណ៍ទៅលើខ្សែការពារពីររូបដែលមានឈ្មោះដូចគ្នា ខណះដែលក្តីសង្ឃឹមនាំយក Marc Guehi  កាន់តែសាបសូន្យម្តងបន្តិច។

តំបន់ការពាររបស់ Liverpool នៅរដូវកាលនេះ បានក្លាយជាបញ្ហាដ៏គួរអោយព្រួយបារម្ភមួយសម្រាប់លោក Arne Slot ដោយ​​ ជាពិសេសការភ្លាត់ស្នៀតចាញ់ជាច្រើនប្រកួតជាប់គ្នាកាលពីខែតុលាកន្លងទៅ ធ្វើអោយហង្សក្រហម Liverpool របូតតំណែងកំពូលតារាងលីគកំពូលអង់គ្លេស។

ជាលទ្ធផល សារព័ត៌មាននៅអង់គ្លេសបានទម្លាយអោយដឹងថា ដើម្បីជាដំណោះស្រាយនៅថ្ងៃមុខ គ្រូបង្វឹកសញ្ជាតិហូឡង់រូបនេះបានរកឃើញកីឡាករពីររូបដែលមានសមត្ថភាពល្អប្រហែលខ្សែការពារ Marc Guehi ដោយក្នុងនោះមានកីឡាករ​ Joel Ordonez របស់ក្លិប Brugge នឹងកីឡាករ Deinner Ordonez ដែលកំពុងប្រកបអាជីពជាមួយថ្នាលក្លិប Independiente del Valle របស់ប្រទេសអេក្វាឌ័រ៕