មិនទាន់ច្បាស់ការ តែ Sancho ធ្វើអោយក្លិបមួយនេះដេកលែងលក់ បក់លែងល្ហើយ

កីឡាករ Jadon Sancho កំពុងធ្វើអោយក្លិប Roma រង់ចាំដោយអន្ទះសារជាទីបំផុត ខណះដែលកីឡាករូបនេះកំពុងមើលជម្រើសដែលខ្លួនមាន មុនផ្លាស់ទៅលេងនៅអ៊ីតាលី។

សារព័ត៌មានធំៗរបស់អង់គ្លេស និងអ៊ីតាលីបានចុះផ្សាយថា បើគិតមកទល់ពេលនេះ Sancho គឺជាបេក្ខភាពមួយរូបដែល Roma ចង់បានជាខ្លាំង ដោយហ៊ានចំណាយរហូតដល់ទៅ 20 លានផោនសម្រាប់កីឡាករក្រុម Manchester United រូបនេះ។

ថ្មីៗនេះ ប្រភពដដែលបានបន្ថែមទៀតថា Sancho មិនទាន់ហ៊ានដាក់ចិត្តដាក់កាយជាមួយក្លិបយក្សអ៊ីតាលី ដោយសារតែរូបគេត្រូវការពេលវេលាដើម្បីពិនិត្យមើលសំណើរលើតុចរចាពីក្លិបផ្សេងៗជាមុនសិន ក្នុងនោះក៏មានអតីតក្រុមចាស់របស់រូបគេ ពោលគឺ Borussia Dortmund ផងដែរ ដោយនេះបានធ្វើអោយសាមីខ្លួនកីឡាករពិបាកក្នុងការសម្រេច៕