រឿងទទួលប្រាក់ចំនួន ២០ម៉ឺនដុល្លារ ! តុលាការចេញដីការបង្គាប់ឲ្យឯកឧត្តម ស ថាវី ចូលខ្លួនឆ្លើយដោះសារចំពោះការចោទប្រកាន់របស់តំណាងអយ្យការនៅថៃ្ងទី១៦ ខែមិថុនា

ចៅក្រមស៊េីបសួរ​សាលា​ដំបូង​រាជធានី​ភ្នំពេញ​ចេញដីកាបង្គាប់ឲ្យឯកឧត្តម ស ថាវី អនុរដ្ឋលេខាធិការក្រសួងការពារជាតិ ចូលខ្លួនឆ្លើយដោះសារចំពោះការចោទប្រកាន់របស់តំណាងអយ្យការអមសាលាដំបូងរាជធានីភ្នំពេញ នៅថៃ្ងទី១៦ ខែមិថុនា ឆ្នាំ២០២៥។

ការចូលខ្លួនឆ្លើយដោះសារចំពោះការចោទប្រកាន់របស់តំណាងអយ្យការអមសាលាដំបូងរាជធានីភ្នំពេញ ដំណើររឿង ៖ ការទទួលប្រាក់ចំនួន ២០០.០០០ (ម្ភៃម៉ឺន) ដុល្លារអាមេរិក ពីដើមបណ្តឹងរដ្ឋប្បវេណី នៅថ្ងៃទី១៥ ខែកក្កដា ឆ្នាំ២០១៧ និងឆ្នាំ២០១៨ នៅក្នុងអំពើឆបោកតាមរយៈការទិញលក់ដីទំហំ ១០២.២០១ (ដប់ម៉ឺនពីរពាន់ពីររយមួយ) ម៉ែត្រក្រឡា ស្ថិតនៅភូមិសំរោង ភូមិសំរោងជើង ភូមិសំរោងត្បូង និងភូមិសំរោងកណ្តាល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ដែលជនត្រូវចោទអះអាងថា ដីនោះជាកម្មសិទ្ធិរបស់ខ្លួន បានពីការប្រមូលទិញពីប្រជាពលរដ្ឋនៅទីនោះ។