បុរសមួយក្រុមរងការចោទប្រកាន់ពីស្ត្រីម្នាក់ថាបានប្រេីហឹង្សាទៅលេីនាងក្នុងបន្ទប់ខារ៉ាអូខេ
បុរសមួយក្រុមរងការចោទប្រកាន់ពីស្ត្រីរងគ្រោះថាបានប្រេីហឹង្សាទៅលេីនាងបណ្ដាលអោយរងរបួសផ្ទៃមុខ និង ភ្នែក ក្នុងបន្ទប់ខារ៉ាអូខេ មួយកន្លែងនៅ បឹងកក់ ខណ្ឌទួលគោក រាជធានីភ្នំពេញ កាលយប់រំលងអាធ្រាត្រថ្ងៃទី ៧ ឈានចូលថ្ងៃទី ៨ ខែ សីហា ឆ្នាំ ២០២៥ ។ 
ប្រភពបានអោយដឹងថានៅវេលាយប់ថ្ងៃទី ៧ ខែ សីហា ឆ្នាំ ២០២៥ វេលាម៉ោង ២១:៣៥ នាទី មានភ្ញៀវមួយក្រុុមជិះរថយន្ត Lexus 570 ពណ៌ខ្មៅ ស្លាកលេខ AN-1211 ភ្នំពេញ និង រថយន្ដ Range Rover ពណ៌ខ្មៅមួយគ្រឿងស្លាកលេខ 2BH-1211 ភ្នំពេញ ចូលទៅផឹកស៊ីច្រៀងខារ៉ាអូខេនៅបន្ទប់លេខ ៦៦៦៦ ។
បន្ទាប់ពីផឹកស៊ីស្រវឹង ភ្ញៀវបុរសទាំងនោះបានអុកកែវខ្លាំងបណ្ដាលអោយបែកកញ្ចក់តុកអស់ចំនួន ៣ ។
រហូតដល់ម៉ោងជាង១រំលងអាធ្រាត្រឈានចូលថ្ងៃទី ៨ សីហា ឆ្នាំ២០២៥ ក្រុមភ្ញៀវទាំងនោះហៅគិតលុយ មេការក៏បានគិតលុយទាំងថ្លៃបែកកញ្ចក់៣ សរុបទាំងអស់ជាង ១០០០ ដុល្លារ ។
ដោយឃេីញមេការគិតលុយទាំងថ្លៃបែកកញ្ចក់តុក៣ ចំនួន ៤៥០ ដុល្លារ ភ្ញៀវម្នាក់ដែលទំនងជាមេគេ បានទះកំភ្លៀងមេការជាច្រេីនដៃហេីយនាំគ្នាដេីរចេញទៅឆ្លងកាត់កាមេរ៉ាសុវត្ថិភាពដូចគ្មានរឿងអីកេីតឡេីង ។ 
តាមការស្រាវជ្រាវអត្តសញ្ញាណម្ចាស់គណនីធនាគារទូទាត់លុយ ម្ចាស់ គណនីមានឈ្មោះ ចាន់ គង់ ចំណែកម្ចាស់រថយន្តទាំង២ខាងលេីត្រូវបានគេស្គាល់ថា ឈ្មោះ ចាន់ ហាក់ រស់នៅផ្ទះភូមិ២ ផ្លូវ ៤២០ សង្កាត់ បឹងត្របែក ខណ្ឌ ចំការមន ។ 
ស្ត្រីរងគ្រោះបានកំពុងរៀបចំដាក់ពាក្យបណ្ដឹងប្ដឹងអ្នកបង្ករអំពេីហឹង្សាអោយសមត្ថកិច្ចចាត់ការតាមផ្លូវច្បាប់ ។ សង្ឃឹមថាសមត្ថកិច្ចនឹងរកយុត្តិធម៌ជូនស្ត្រីរងគ្រោះ ។
