ករណីជួញដូរគ្រឿនញៀន​ និងកាន់អាវុធខុសច្បាប់​ ! សមត្ថកិច្ចបញ្ជូនជនជាតិវៀតណាម ៥នាក់ ទៅកាន់តុលាការដេីម្បីចាត់ការតាមច្បាប់

ខេត្តស្វាយរៀង ៖  ជនសង្ស័យជនជាតិវៀតណាម ៥នាក់ ស្រីម្នាក់​ ត្រូវបានកម្លាំងជំនាញប្រឆាំងគ្រឿងញៀនខេត្តស្វាយរៀង ឃាត់ខ្លួន ​ជាប់ទាក់ទិនក្នុងករណីជួញដូរ រក្សាទុកប្រើប្រាស់ដោយខុសច្បាប់ នូវសារធាតុញៀន និងកាន់កាប់ រក្សាទុកអាវុធគ្រាប់រំសេវដោយគ្មានការអនុញ្ញាត កាលពីថ្ងៃទី១២ ខែមិថុនា ឆ្នាំ២០២៥។

ក្នុងកិច្ចប្រតិបត្តិការបង្ក្រាបករណីនេះ ធ្វើឡើងកាលពីថ្ងៃទី០៨-១១ ខែមិថុនា ឆ្នាំ២០២៥ នៅក្រុងបាវិត ខេត្តស្វាយរៀង ក្រោមបទបញ្ជា របស់ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងដឹកនាំបញ្ជាផ្ទាល់ពី លោកឧត្តមសេនីយ៍ត្រី កែវ  សុថា ស្នងការរងទទួលផែនការងារប្រឆាំងគ្រឿងញៀន និងលោកវរសនីយ៍ឯក កាន កេន នាយការិយាល័យប្រឆាំងគ្រឿងញៀន សហការជាមួយ កម្លាំងអធិការដ្ឋាននគរបាលក្រុងបាវិត ដោយមានការសម្របសម្រូលនីតិវិធីពី លោក ចាន់ វណ្ណៈ ព្រះរាជអាជ្ញារងអមសាលាដំបូងខេត្ត។

​ជនសង្ស័យជនជាតិវៀតណាម ចំនួន ០៥នាក់ មានស្រីម្នាក់។ ក្នុងនោះ សមត្ថកិច្ច ចាប់ដកហូតយកសម្ភារ: វត្តុតាងរួមមាន ៖ 

១- ថ្នាំញៀនប្រភេទកេតាមីន ០២ កញ្ចប់ទម្ងន់ ១៤- ២០ក្រាម
២- ថ្នាំញៀនប្រភេទមេតំហ្វេតាមីន ០៥ កញ្ចប់ទម្ងន់ ១១.៨៥ក្រាម
៣- ថ្នាំគ្រាប់ពណ៌ក្រហម (WY) ប្រភេទកេតាមីនចំនួន ១០៣គ្រាប់ 
៤- ថ្នាំគ្រាប់ពណ៌ក្រហម (A) ប្រភេទមេតំហ្វេតាមីន ចំនួន ០១គ្រាប់
៥- ថ្នាំគ្រាប់ពណ៌ផ្ទមេឃប្រភេទ (MDMA) ចំនួន ០៨ គ្រាប់
៦- ថ្នាំគ្រាប់ពណ៌បៃតងប្រភេទ (MDMA) ចំនួន ១៩ គ្រាប់
៧- ថ្នាំញៀនប្រភេទ (MDMA) សញ្ញារូបសេះ ០១ កញ្ចប់
៨- ជរ័អាភៀន ០១កញ្ចប់
៩- អាវុធខ្លីចំនួន ០៣ ដើម- បង់ចំនួន០៣ - គ្រាប់ចំនួន ៤៣ គ្រាប់
១០- កាំបិត ០៤ - ដំបងឆក់ ០១
១១- ជញ្ជីងថ្លឹងថ្នាំញៀន ០២ គ្រឿង
១២- ទូរសព្ទ័ដៃ ០៩ គ្រឿង
១៣- រថយន្តចំនួន ០៣ គ្រឿង ព្រមទាំងឧបករណ៍ សម្ភារះមួយចំនួនទៀត។

បច្ចុប្បន្ន កម្លាំងជំនាញប្រឆាំងគ្រឿងញៀនខេត្តស្វាយរៀង បានបញ្ជូនជនជាតិវៀតណាម ទាំង ៥នាក់ ទៅកាន់សាលាដំបូងខេត្តស្វាយរៀង ដើម្បីចាត់ការបន្តតាមនីតិវិធី៕