សមត្ថកិច្ចកំពុងតាមចាប់បុរសពីរនាក់ព្រួតគ្នាវ៉ៃបុរសម្នាក់បើកម៉ូតូរ៉ឺម៉កកង់បីធ្លាក់ទឹកនៅកំពង់ចម្លងអរិយក្សត្រ

ក្រោយមានការផ្សព្វផ្សាយតាមបណ្តាញសង្គមករណីហិ..ង្សាទៅវិញទៅមកនៅកំពង់ចម្លងអរិយក្សត្រត្រើយភ្នំពេញ ដែលបណ្តាលឲ្យបុរសម្នាក់បើកម៉ូតូរ៉ឺម៉កកង់បីរងរបួសស្រាលនោះហើយ គឺជនរងគ្រោះមិនបានមកដាក់ពាក្យប្តឹងនៅកន្លែងសមត្ថកិច្ចនោះទេ លុះនៅរសៀលថ្ងៃទី០៦ខែឧសភាឆ្នាំ២០២៥ កម្លាំងប៉ុស្តិ៍នគរបាលរដ្ឋបាលចតុមុខនៃអធិការដ្ឋាននគរបាលខណ្ឌដូនពេញបានចុះស្រាវជ្រាវនិងបានទំនាក់ទំនងជនរងគ្រោះមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចតុមុខ ហើយសមត្ថកិច្ចកំពុងស្រាវជ្រាវស្វែងរកជនបង្ក០២នាក់ដែលជិះម៉ូតូ០១គ្រឿងដើម្បីនាំយកមកចាត់ការតាមផ្លូវច្បាប់។

-សូមបញ្ជាក់ថា:លេីច្រាំងទន្លេខាងកេីតបណ្តាលឲ្យមានមនុស្សធ្លាក់ទឹកទន្លេរងរបួសស្រាល​ (ផ្តេីមចេញពីជម្លោះពាក្យសម្តីគ្នា​នៅកំពង់ចម្លងអរិយក្សត្រត្រោយខាងកេីត​ រវាងភាគីម៉ូតូមានគ្នា២នាក់​ និងភាគីរ៉ឺម៉កកង់បីម្នាក់ឯង​)​ កាលពីវេលាម៉ោង២២និង៥០ម៊នាទី ថ្ងៃទី៥​ ខែឧសភា​ ឆ្នាំ២០២៥​៕